|
|
|
|
|
|
|
|
 |
|
|
|
|
|
|
|
Servizos
O Museo posúe unha serie de laboratorios destinados ó apoio das investigacións que leva a cabo, fundamentalmente baixo dúas liñas principais: O Estudo e Caracterización dos Primeiros Moradores de Galicia e a Reconstrucción Paleoambiental do Noroeste Peninsular. Contan co equipamento necesario para servir de apoio a escavacións arqueolóxicas, para cataloga-los fondos e para acometer distintas análises de sedimentos, pole, sementes, microscópicas, etc. O Museo tamén realiza análises para terceiras persoas.
Un dos laboratorios do museo
O tratamento de fondos, tanto administrativo, como preventivo e de restauración constitúen uns dos fins principais de calquera museo. Contamos cun completo sistema de tratamento informático das pezas e coleccións custodiadas, a meirande parte gardadas nun almacén de módulos compactos para reduci-lo espazo. A relación entre pezas expostas e pezas albergadas no Museo non chega ó 0,5 %. Os materiais están colocados no almacén segundo a orde de entrada e número de rexistro.
Almacén de fondos
Dentro do capítulo de actividades culturais, o Museo organiza diversos cursos e seminarios destinados tanto ó público en xeral como ó colectivo científico e profesional. Seminarios sobre os períodos e características da Prehistoria e Historia Antiga de Galicia, e cursos sobre museos, arqueoloxía experimental, e outros. Para o desenvolvemento destas actividades cóntase cun salón de actos dotado con sistemas de proxección convencional e multimedia.
Salón de actos